martes, 2 de febrero de 2010

Os hórreos pintados I






























































































Cada vez son mais escasos os hórreos pintados que aínda conservan a antiga decoración xeométrica que tan común foi na nosa comarca.

Dende antigo, a madeira dos hórreos era pintada co fin de protexela das inclemencias do tempo, supoño que eses deseños só son produto do sentimento estético do dono do hórreo en cuestión. A práctica de pintalos era común e ademais lóxica.
A partires dos anos setenta, a moitos hórreos cambiouselles a súa madeira orixinal por un arrepiante ladrillo, esta aptitude é froito dese pragmatismo tan noso (o ladrillo dura mais ca madeira) e tan antiestético. É curioso, sen embargo, como a costume dos deseños continuou a facerse sobre o ladrillo. Na actualidade, predomina a estética de deixar a madeira a vista e polo tanto estanse a perder os debuxos.

Nestes días estiven a buscar exemplares deses hórreos antigos pintados, só atopei cinco, dous no concello de Antas de Ulla e tres no de Palas de Rei. Os que tedes nas fotografía corresponden ós situados no concello de Antas de Ulla en Castro de Amarante e San Martiño de Villapoupre (fotos 1 a 4), e o situado en Mosteiro de Devesa no concello de Palas de Rei, que como se pode apreciar, está a perder os debuxos.

Por último deixar constancia que aínda hai quen segue a facer os seus deseños, como é o caso dese hórreo pequeniño da última fotografía, que está en Ponte Campaña (Palas de Rei).


Detalles dos hórreos e os seus deseños.
Distintas aldeas dos concellos de Antas de Ulla e Palas de Rei


Atravesa o espello cara A Outra Ulloa



4 comentarios:

Chousa da Alcandra dijo...

Apuntas moi ben os motivos polos que se pintaba a madeira. Habitualmente era moi habitual alternar dúas cores entre claros e a doela horizontal a xeito de tableiro. Tamén se estilaba moito o emprego de dúas cores únicas separadas por ese listón horizontal.
Claro que, no medio do habitual, sempre hai quen se saltaba a "normalidade" realizando virguerías como o de Pérez que amosas na foto. Algún outro nese estilo hai en Aboi; pero sempre mantendo as liñas rectas e xogando coa xeometría dos rombos, triángulos ou cadrados.
Se un día das unha volta por Frádegas has ver a liberdade que algúns "artistas" se tomaron no uso da pintura sobre estas obras de arte que son os hórreos...

Apertas

Juliana Sphynx dijo...

Belas fotos!

A Ulloa en fotos dijo...

Non sei se si fixaches no titulo da entrada "Hórreos pintados I". Iso quere dicir que hai unha segunda parte esperando a que teña algo de tempo para rematar o texto, o mellor mañá ou o venres.

Recoméndoche que a vexas porque ten moito que ver co teu comentario.

gerardo dijo...

Felicidades por este trabajo, me gustan mucho las fotos, muy interesante.
Gerardo